Sumber Karbohidrat Ora Mung Sega
Diposting oleh : Administrator
Kategori: Kagunan Dapur - Dibaca: 190 kali

Karbohidrat minangka salah sijine gizi sing dibutuhake kabeh uwong, enom lan tuwa, adate awujud sega. Sanadyan ing tlatah liya ana sing kulina dhahar sagu, pohung, utawa jagung; nanging umume tetep tepung marang sega. Nanging sejatine, beras sing dimasak dadi sega iku, bisa diolah dadi menu sing ora kalah nikmate. Contone, kwetiau.

Kwetiau mono ndhisike pancen mi sing misuwur saka negara Tiongkok. Aran liyane ing basa Tiongkok yaiku sha he fen, mujudake mi sing wernane putih, jalaran pancen digawe saka glepung beras.

Sing khas saka kwetiauw yaiku wujude ora gilig kaya mi umume, nanging gepeng lan rada amba sithik. Dene bahan dhasare yaiku glepung beras, trigu, maizena utawa glepung saka jagung, putihan endhog pitik, lan banyu bening. Bisa digawe kanthi dikukus (dadine kwetiau garing) utawa digodhong (dadine kwetiauw lemes/teles).

Lha yen wis dadi mi sing gepeng lan dawa-dawa, tegese wis siyap dimangsak. Bisa digawe kwetiauw goreng, kwetiauw siram, utawa kwetiauw godhog. Ing kalodhangan iki redhaksi Taman Wanita paring conto resep kwetiauw goreng.

 

Bahan:

Kwetiauw 300 gram (yen garing dikukus dhisik, yen teles cukup diresiki)

Iwak pitik 50 gram (bisa diganti daging sapi, urang, cumi, iwak banyu, lsp)

Bawang 2 siyung, dikeprak

Loncang/prei 2 eler, diiris serong

Sawi caisim   4 eler, diiris tanggung

Taoge/cambah        setegah gegeman

Kaldhu utawa wedang putih         50 ml

Uyah sacukupe

Mrica bubuk  sacukupe

Kecap manis, kecap asin sacukupe

Lenga wijen  sasendhok teh

Lenga kanggo nggangsa sacukupe

 

Carane Mangsak:

1. Iwak pitik/ daging sapi/ urang/ cumi/ iwak banyu dikum dhisik nganggo kecap manis lan lenga wijen udakara seprapat jam,

2. Cepakake wadhah, kwetiauw dicampur kecap manis lan lenga wijen, dinengake sedhela,

3. Panasake lenga, gangsa bawang nganti sedhep,

4. Tambahake iwak pitik/daging sapi/urang/cumi/iwak banyu, mangsak nganti malih werna,

5. Tambahake irisan sawi lan kaldhu encer utawa wedang bening,

6. Yen wis rada susut kuwahe, cemplungake kwetiauw lan irisan loncang,

7. Mangsak nganti rumesep, banjur sugatake ing kahanan panas. n

Berita Terkait

img

Samak Minggu Ini

img

img

Sumber Semangat

Yen kowe mapan ing wayah sore, aja ngenteni wektu esuk lan yen kowe ana ing wayah esuk, aja ngenteni wektu sore.

Klik

KAMPUNG INDIA

Kampung Madras mujudake sawijining kampung ing kutha Medan kanthi surasa India kang kenthel banget. Mayoritas pendhudhuk ing kene pancen keturunan wong India Tamil kang agamane Hindu. Ing kampung iki, kita bakal ngawruhi sakehing wong praen India, pakaian khas India, panganan India, perayaan agama Hindu, nganti jeneng dalan kang sarwa India kayadene Jl. Mahayana, Jl. Kalingga lsp. Saengga kaya-kaya kita lagi ora ing Indonesia. Mula ora nggumunake yen kampung iki banjur dijuluki Little India. (d/ist)

Pethilan

Parpol-parpol rebutan mlebu kabinet Jokowi

Lomba nodhong jabatan diwiwiti….

Pascapilpres, koalisi oposisi isih durung jelas

Sing jelas isih padha ‘galau’

Joko Widodo-Ma’ruf Amin disengkakake minangka Presiden-Wapres RI 2019-2024

Sugeng makarya…