Kemangi kanggo Lalapan, Ganda Wangi Seger ing Badan
Diposting oleh : Administrator
Kategori: Anyar Katon - Dibaca: 34 kali

Saka maneka tetaneman, akeh banget kang bisa dadi bahan pangan. Ana kang kudu dimangsak dhisik, nanging ana uga kang cukup dirahani ngono bae. Istilahe, lalapan. Salah sijine yaiku kemangi.

Godhong kemangi kang nduweni ganda khas iki kerep disuguhake bebarengan karo lalapan liyane. Adate kobis, timun, lan kacang lanjaran. Nanging godhong iki uga bisa dicemplungake ing mangsakan. Kaya ta ing Thailand, ana mangsakan tomyam kang nggunakake maneka bumbu lan diimbuhi kemangi.

Kemangi pranyata ora mung wangi gandane nanging uga akeh kasiyate. Bisa dadi srana ngatasi masalah pencernaan, radang lambung, infeksi usus, uga mriang lan sirah ngelu.

Kasiyat liyane ora kalah nggumunake. Kanggone pawestri, kemangi akeh mupangate gegayutan karo kasuburan (repro­duksi). Yaiku bisa nggreng­sengake matenge sel telur utawa ovulasi. Amarga, kemangi ngandhut zat stigmaasterol. Malah, ana panaliten kang ngandhak­ake yen kemangi bisa ngre­­rendhet menopouse, jalaran ngandhut zat trip­tofan.

Para priya ora perlu meri, amarga kemangi uga ngandhut zat kang becik kanggone kasarasan srana vital. Yaiku zat ar­ginin kang bisa njalari sper­ma luwih dawa umure. Mula, bi­sa nyegah ke­mandulan. Yaiku zat Eugenol lan Apigenin fen­khona sing nduweni piguna nyengkuyung tenaga priya nalika arep saresmi.

Kejaba kasiyat iku mau, sing paling prasaja, kemangi uga migunani amarga gandane. Seger getir-e kang khas bisa nge­longi abab kang mambu lan gandane awak. Carane gam­pang, yaiku sregep lalap kemangi saben dina. Bisa uga digawe omben-omben, kanthi diwe­nehi banyu wedang sethithik banjur diperes dijupuk sarine.

Kandhutan gizi kemangi miturut Daftar Komposisi Bahan Makanan Direktorat Gizi Kementrian Kesehatan RI yaiku:

Saben 100 gram godhong kemangi ngandhut:

vitamin A                                     5000 SI

mineral, kalsium, lan fosfor            45-75 mg

 

Kanggone para ibu, yen kepengin ngolah kemangi, bisa njajal digawe trancam.

Bahan-bahane kaya mangkene:

Parutan klapa nom        250 gram (1/4 kg)

 

Bumbu sing diuleg:

Lombok rawit abang      4 iji

Lombok abang gedhe    2 iji

Bawang                        2 siung

Kencur                         sakros driji

Godhong jeruk purut     2 lembar

Gula jawa                     25 gram

Uyah                            sacukupe

Timun                          2 iji, diiris kothak cilik-cilik

Kacang lanjaran            100 gram,

                                   dirajang tipis alus

Taoge/kecambah          100 gram, dicom banyu panas sedhela

Kobis                           100 gram, diiris tipis-tipis

Godhong kemangi         2 iket

 

Carane nggawe:

1.         Bahan bumbu diuleg nganti alus

2.         Parutan klapa nom dikukus sedhela

3.         Sawise rada adhem, dicampur karo bumbu ulegan nganti rata.

4.         Banjur dicampur (diurap) karo sakabehe bahan sayur (timun, kacang lanjaran, taoge, kobis, kemangi). l (D. Andriyanto)

 

Berita Terkait

img

Samak Minggu Ini

img

img

Sumber Semangat

Urip iki cekak banget yen mung trima diisi karo rasa gela lan benci.

Klik

TRADHISI KAUL LAN ABDA’U ING MALUKU TENGAH

Iki sawijining tradhisi mbeleh wedhus ngarepake Idul Qurban. Ditindakake kaping pindho, yakuwi sing umum sawise shalat idul adha, lan ana maneh sing khusus. Sing khusus kanthi mbeleh wedhus 3. Sadurunge dibeleh, tetelune wedhus iki digendhong jarit dening tetuwane adat lan diarak keliling sinambi sholawatan nuju pelataran masjid Negeri Tulehu sawise Ashar. Tujuane ritual iki kanggo tolak balak lan nyenyuwun panga-yomane Gusti Allah kanggo masyarakat Tulehu. (d/ist)

Pethilan

Polri wiwit ngrasakake anane konflik pemilu

Digulung wae pak

Pasangan capres-cawapres setuju pemilu dhame

Pendhukunge sing dikon gontok-gon­tokan

Capres-cawapres nyiapake tim sukses

Sukarelawan, nanging ana pamrih