Amrih Copy Paste ing Android Saya Gampang
Diposting oleh : Administrator
Kategori: Anyar Katon - Dibaca: 22 kali

Aktifitas copy lan paste mesthi wis biasa digunakake jroning aktifitas sedina-dina. Semono uga jroning migu­nakake smartphone Android mesthi kanca-kanca nindakake kegiatan salin lan tempel kanggo nggampangake bab kuwi. Copy lan Paste biasane bisa arupa ukara-ukara saka messenger engga link situs-situs tinamtu. Nanging ing android clipboard mung nyimpen sepisan wae ukara/kalimat kang bakal disalin mau.

Mula mesthi bakal repot yen banjur pengin maste uka­ra/kalimat sing sadurunge. Apamaneh upamane ukara/kalimat mau sering digunak­ake. Luwih-luwih kanggone kanca-kanca kang biasa bis­nis, mesthine wis biasa yen kerep paste nomer rekeninge menyang calon pembeli. Nah, amrih ora repot golek cathe­tan ukara/kalimat ksb, kanca-kanca bisa nyoba aplikasi Clip Stack Clipboard Manager iki.

Jroning aplikasi Clip stack, clipboard bisa luwih saka siji. Sing nyenengake, kanca-kanca bisa nandhani (aweh tandha) minangka ukara/kalimat favorit. Saengga ang­gone maste luwih gampang lan cepet. Kaunggulane apli­kasi iki gratis lan ora ana iklane. Ditambah maneh klawan penampilane wis ngusung antar muka Material Design.

Amrih bisa migunakake aplikasi iki kanca-kanca bisa ngunduh Clip Stack Clipboard Manager ing kene https://play.google.com/store/apps/details?id=com.catching now.tinyclipboardmanager. Banjur aktifke services-e. Aplikasi iki bisa digunakake kanggo Android 4.0 mendhuwur lan ukurane mung 1.4 MB.

Kanggo nyalin ukara/kalimat kang dicopy, kanca-kanca bisa menyang notifiaction bar. Ing kono ana history lan clipboard favorit. Kanca-kanva uga bisa nambahake teks kanthi manual.

Jroning pengaturan Clip Stack Clipboard Manager ana floating bubble. Yen diaktifake bakal muncul tombol Clip Stack ing sakupenge aplikasi, saengga luwih gampang ngakses-e.

Wasana nyumanggakake (d)***

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…