Endas Manyung Kuliner Khas Semarang
Diposting oleh : Administrator
Kategori: Anyar Katon - Dibaca: 49 kali

Iwak manyung tinemu ing pesisir lor pulau Jawa, ukuran awake bisa gedhe 10-15 Kg lan dawa luwih saka 1 meteran. Pakane iwak-iwak kang luwih cilik, nadyan rasa daginge kurang enak (rada sepa) iku kang anjalari iwak kasebut ora nduweni rega kang dhuwur. Unike tansah dadi rebutan bakul-bakul iwak ing panggonan pelelangan iwak (TPI) bakal kanggo iwak panggang (mangut). Dadi persis kaya nasibe iwak Pe (Pari) kang mung cocok dimasak bumbu mangut.

 

Kampung Panggang

Ing Semarang ana kampung kang katelah Gang Panggang, meh kabeh ibu-ibu ing kene kang rata-rata bojone nelayan padha mersudi ngolah iwak panggang, supaya duwe nilai jual kang rada dhuwur.

Carane iwak-iwak kasebut sakwise diiris cilik-cilik nuli dikum ing banyu uyah, sakwise atus nuli nyiapake bathok lan sepet klapa ing keren dawa. Nuli diobong bathoke nganti mengangah, siapno planggrangan dhuwur mawa bathok lan jarake udakara ½ meteran. Dijaga supaya bathok lan sepet tetep kumebul, karo diwolak-walik supaya iwake ora gosong.

 

Endhas Manyung

Endhas manyung kang wis dimasak bumbu mangut, ing Semarang mujudake kuliner klangenan. Nadyan endhas manyung pancen ora ana daginge nanging miturut para pelanggane, nikmati endhas manyung pancen asyik banget. Apamaneh yen endhas manyunge gedhe, kanthi mung nyesep angsang-angsange lan ngrokoti dagune jarene nikmat banget. Iku kang anjalari warung endhas manyung duweke Bu Rukimah ing Jl. Ronggowarsita ora tau sepi saka pelanggane. Warunge kang bukak jam 10 esuk ora nganti jam 3 sore endhas manyung telung panci gedhe wis entek gusis.

Semono uga ing warunge Pak Gopo kang dumunung ing kawasan Kebon Laut (Pelabuhan) nembe bae bukak langsung diserbu sopir-sopir truck lan keneke. Padahal regane ya ora murah, sega putih sakporsi + es the lan endhas manyung siji watara Rp. 40-50 ewu gumantung gedhe cilike endhas manyunge.

Uga ing warunge Bu Fat kang dumunung ing kawasan Semarang Indah rega endhas manyung sakporsine regane watara Rp. 65-75 ewu. Pelanggane jare sing akeh wong kantoran, wanci jam makan siang aja coba-coba mrono. Wis mesthi ora bakal antuk panggonan dhahar.

Miturut Bu Rukimah, endhas manyung pancen ngganda amis. Nanging gandha amis kasebut bisa sithik-sithik dikurangi kanthi nggawe banyu anget kang wis diperesi jeruk nipis. Endhas manyung kang arep diolah, dikum dhisik watara 10 menit. Nuli dietus ing wadhah liyane lan siap dimasak.

“Kula piyambak inggih gumun, ingatase perangan endhas manyung ora ana daginge kok dadi klangenan. Karuan yen dhahar daginge bsia dirasakake,” komentare.

(*)

 

Berita Terkait

img

Samak Minggu Ini

img

img

Sumber Semangat

Urip iki cekak banget yen mung trima diisi karo rasa gela lan benci.

Klik

TRADHISI KAUL LAN ABDA’U ING MALUKU TENGAH

Iki sawijining tradhisi mbeleh wedhus ngarepake Idul Qurban. Ditindakake kaping pindho, yakuwi sing umum sawise shalat idul adha, lan ana maneh sing khusus. Sing khusus kanthi mbeleh wedhus 3. Sadurunge dibeleh, tetelune wedhus iki digendhong jarit dening tetuwane adat lan diarak keliling sinambi sholawatan nuju pelataran masjid Negeri Tulehu sawise Ashar. Tujuane ritual iki kanggo tolak balak lan nyenyuwun panga-yomane Gusti Allah kanggo masyarakat Tulehu. (d/ist)

Pethilan

Polri wiwit ngrasakake anane konflik pemilu

Digulung wae pak

Pasangan capres-cawapres setuju pemilu dhame

Pendhukunge sing dikon gontok-gon­tokan

Capres-cawapres nyiapake tim sukses

Sukarelawan, nanging ana pamrih