Golet “Kembang So” Ana Pesisir Widuri Pemalang
Diposting oleh : Administrator
Kategori: Plesir - Dibaca: 37 kali

Papan plesiran (wisata/piknik) pe­sisir Widuri ing Kab. Pemalang, Jateng, kang luwih kondhang kanthi aran/jeneng Widuri Water Park (WWP) iku kaya-kayane/ mujudake salah sawijining papan plesiran sing pancen dipepaki karo maneka kesenengan  jan tenanan ora baen-baen kanggo nyenengake ati. Ana  ngluncur trowongan, kolah deres, anju­ngan, kolah silinder, numpak boat, lan praun.

Saliyane kuwi, ing sisih kulone WWP kasebut esih ana papan pesisir kanggo adus-adusan, lan ing sisih wetane WWP kasebut ana papan kanggo balapan montor (Sirkuit) pesisir Widuri. Menawa dina prei kaya Setu lan Ahad pengun­junge mbeludak, akeh banget, apama­neh nalika long weekend utawa  Lebaran.

Mula akeh uga wong sing padha mro­no, utamane warga saka njaba Kab. Pe­malang, kaya ta warga Kab. Tegal, najan ora sethithik saka warga dhaerah liyane utawa saka ngendi-endi ora sing plesiran marang pesisir Widuri Pemalang. Apa ma­neh ing wulan pasa  iki padha padha gemrudug ngajak golet “kembang so” yaiku kembang sore, sing maksude nunggu wektu kanggo buka pasa .

Bupati Pemalang Junaedi dhewe nga­jap, penataan objek wisata perlu kanthi konsep kang jelas, ora mung bisa ngga­we nanging manfaate kanggo narik pe­ngunjung ora maksimal. Bab iku dingen­diakake dening Bupati Junaedi sawise ngrungokake paparan rencana pemba­ngu­nan pengembangan objek wisata Pantai Widuri, sing merlokake anggaran akehe Rp 23 millyiar.

“Jrone mekarake objek wisata kudu­ne ora asal mbangun, nanging perlu kon­sep kang jelas, di­delok dhisik apa kuwi ngun­tu­ngake utawa ora,’’ kandhane Ju­naedi, sa­we­tara wek­tu ke­pungkur.

Miturut Bupa­ti, adhe­dhasar sesa­ngan ing lapa­ngan kondisi objek wisata Sirkuit Pantai Widuri siki wis lu­maku cukup apik. Na­lika dina libur kaya Setu lan Ahad pengunjung mbludak. Apa maneh yen long weekend utawa Ri­yadi (Leba­ran). Pa­dha­hal ing lokasi iku mung  ana  segara (laut), wit-witan ce­mara ing pinggir segara lan kursi pring (bamboo) sing jembar.”

“Sawetara taun kapungkur liwat anggaran Pemprov Jateng dibangunake los-los kanggo para pedagang. Nanging kios kasebut mung dienggo sadhela sateruse ditinggalake mengkono bae. Para pedagang milih dodolan ing ngisor wit cemara ing pinggir segara,” jlentrehe Junaedi.

“Bab kang padha kedaden uga nalika Pemkab nggawekake los maneh sing kanggo para pedagang ing pinggir dalan lan papan parkir. Nanging padha wae los ksebut ora dimanfaatake tekan saiki. Mung papan parkire kang manfaat. Peda­gang tetep dodolan ing pinggir segara sing dilarang ngadegake tendha utawa gubuk,” ujare Junaedi marang wartawan

Sauntara sajumlah pengunjung Sir­kuit Pantai Widuri nuturake, teka marang papan iki ana kang kepengin olahraga joging lan mlaku mlaku, utawa santai  ing ngisor wit cemara karo nikmati  se­gara lan hawa sing seger apadene adus-adusan. “Nanging emane, ing papan iki yaiku kurange papan kanggo bilas lan toilet kanthi banyune sing  resik,” pisam­bate  para pengunjung.

(Imam As)

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?