Marquez ora Gelem Gumedhe
Diposting oleh : Administrator
Kategori: Anyar Katon - Dibaca: 97 kali

Pembalap Tim Repsol Honda, Marc Marquez, ora gelem gumedhe ngadhepi sesi pungkasan balapan MotoGP Valencia 2017 ing Sirkuit Ricardo Tormo, Minggu iki (12 November 2017). Senajan The Baby Alien –julukane Marquez– nduweni kalodhangan gedhe bisa me­thik titel juara dunia MotoGP 2017.

Marquez dinane iki lagi saingan kenceng karo pembalap Ducati Corse, Andrea Dovizioso jroning rebutan gelar juara dunia. Kanthi padha-padha oleh nem kemenangan musim iki, Marquez kang luwih akeh munggah podium nduweni hak atas posisi puncak klasemen sementara MotoGP 2017.

Rider asal Spanyol iku dinane iki lagi mimpin klasemen kanthi ngumpulake 282 poin. Pembalap kang nyekel telung gelar juara dunia MotoGP ksb unggul 21 poin saka Dovizioso kang ngenggoni posisi loro.

Lan ngelingi MotoGP Valencia 2017 dadi seri terakhir musim iki, Marquez mung butuh finis ing posisi 11 jroning balapan mengko. Tambahan limang angka wis cukup kang­go mesthekake pembalap 24 taun iku nggondhol titel juara dunia MotoGP kang kaping pate.

Senajan mangkono, Marquez ora pengin kalepyan jro­ning kaunggulan poin kang diduweni. Kanca sak tim Dani Pedrosa iku nandhesake bakal tetep awah penampilan kang paling apik ing balapan akhir minggu iki.

“Kita mesthi wae ora mikir balapan (MotoGP Valencia 2017) bakal lumaku gampang, dadi kita ora teka menyang Valencia kanthi kapercayan diri luwih. Kita bakal tetep njaga mental lan kerja kanthi motede kang nggiring kita menyang posisi kaya saiki iki. Lan kita bakal aweh penampilan 100% merga balapan bakal penting banget amrih bisa tampil ce­pet sajege latihan bebas pertama (FP1),” jlentrehe Mar­quez, kaya kang ditulis ing halaman resmi Repsol Honda, mentas iki (8/11/2017). 

 

Pedrosa Pengin Pungkasan Manis

Sauntara kuwi Dani Pedrosa uga ngandhakake yen pengin methik asil paling apik ing MotoGP Valencia iki. Dani Pedrosa duwe rekor apik ing balapan-balapan sadurunge ing MotoGP Valencia. Bab iku dadi ‘bandha’ kanggone Pe­drosa nutup musim iki kanthi sawijining asil positif.

Pedrosa tau kaping nem menang ing Valencia, kanthi peprincen sepisan ing kelas 125cc, kaping pindho ing kelas 250cc, lan kaping telu ing kelas MotoGP. Senajan mang­kono gagal finis ing Sirkuit Ricardo Tormo nalika taun ke­pungkur, pembalap Repsol Honda iku tansah munggah po­dium ing panggonan kang padha 2012-2015.

Pedrosa, kang saikine ngenggoni peringkat lima ing klasemen pebalap, ngajab bali oleh asil nyenengake ing MotoGP Valencia Minggu mengko (12/11/2017).

“Kita nuju Valencia kanthi mood positif, nyoba mungkasi musim kanthi sawijining asil apik. Aku tansah ngrasakake atmosfer apik ing kana lan oleh energi apik kang akeh ba­nget saka fans,” ujare Pedrosa kaya dikutip Crash.net.

“Kita wis nggawe kemajuan kanthi setelan motor kita ing Malaysia lan iki aweh kita kapitayan diri kanggo ngebut akhir pekan mengko” tambahe.

“Valencia mujudake trek kang tak senengi banget. Aku kuwat ing kana jroning balapan-balapan sadurunge lan methik asil-asil kang apik. Dadi, dak ajab motorku bisa ker­ja kanthi apik ing kana lan kita bisa nglakoni balapan kang apik” imbuhe Pedrosa.

Pedrosa wis methik sawijining kemenangan ing musim iki, yaiku nalika finis ngarep dhewe ing Jerez nalika wulan Mei kepungkur. (d/ist)***

 

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…