Carane Ningkatake Sinyal WiFi engga Kaping Pindhone
Diposting oleh : Administrator
Kategori: Anyar Katon - Dibaca: 22 kali

Sinyal WiFi kang lemah bakal nda­dekake aktivitas internetan kita keganggu, apamaneh urutan kecepatan internet ing Indonesia kuwi ngenggoni peringkat 122 ing dunia. Nanging satemene akeh cara kang bisa ditindakake kanggo nguwatake sinyal WiFi. Kanthi cara-cara ing ngisor iki, kita bisa nguwati penerimaan sinyal saka jaringan WiFi kang bisa dicakake ing smart­phone Android, laptop, lan barang elek­tronik liyane.

Mesthi penasaran ta karo cara apa wae kanggo ningkatake sinyal WiFi iki? Simak terus artikele ya supaya bisa mrak­tekake langsung ing gadgetmu.

 

1. Gunakna Teknologi WiFi paling Anyar

Dinane iki ana patang jinis teknologi wireless kang suma­dya, yaiku A, B, G, lan N. Teknologi A, B, lan G yakuwi teknologi lawas kang nduweni kecepatan ren­dhet. Dene N mujudake teknologi paling anyar lan paling banter. Dadi, tansah gunakna versi N amrih oleh kecepatan maksimal.

2. Golek Posisi sing Pas

Sinyal WiFi ora bisa dideleng, nanging sinyal ksb bisa kepalang yen ana akeh tem­bok ing sakupenge router-e. Dadi, tansah goleka posisi bebas saka pepalang amrih bisa internetan kanthi nyaman.

3. Endhani Perangkat Elektronik liyane

Ora mung router liya kang bisa nggang­gu kualitas sinyal, nanging sawe­nehing perangkat elektronik liya kayadene micro­wave uga bisa dadi pe­nyebabe. Kanggo ngawe­kani bab iki kita bisa nge­dohake maneka perangkat elektronik ksb saka router. Saliyane iku kita uga bisa nggunakake router dual band amrih bisa mindhah­ake frekuensine kanthi gampang.

4. Gunakna Channel kang Kosong

Yen ing wilayahmu akeh wong kang migunakake router WiFi, mula bisa wae kita manggon ing channel kang padha ka­ro router ksb saengga kualitas sinyale mu­dhun. Mula saka iku pilihen channel WiFi kang kosong utawa kang sithik sing ngang­go amrih ora muncul gangguan sinyal. Kita bisa migunakake aplikasi inSSIDer kanggo nindakake trik iki. 

5. Sistem Keamanan

Kita wis migunakake paket internet kang cepet, nanging isih wae rendhet na­lika diakses. Kemungkinan iki ana wong liya kang migunakake koneksi WiFi kita tanpa kita ngerteni. Kanggo ngatasi bab iki, gunakna password kang ruwet sarta gunakna enkripsi WPA2.

6. Kontrol Bandwidth

Yen kita ora ijenan migunakake WiFi, mesthi bakal rendhet nalika browsing. Kita bisa ngatur panganggone bandwidth amrih wong liya ora kedadeyan kebocoran band­width kang bisa nuwuhake koneksi lemot.

7. Migunakake Kaleng Bekas

Sinyal WiFi migunakake udara minang­ka ‘penghantar’-e, amrih sinyale ora nye­bar menyang ngendi-endi, kita bisa man­faatake kaleng bekas kanggo nentokake tujuan sinyal mau. Saliyane kanthi kaleng, kita uga bisa nggunakake panci utawa aluminium foil.


8. Gunakna DD-WRT Firmware

Cara liyane nguwati sinyal WiFi liyane kang cukup efektif yakuwi kanthi migunakake aplikasi DD-WRT firmware. Aplikasi iki bisa digunakake kanggo nge-hack router supaya kekuatan pemancar sinyale dadi luwih dhuwur maneh.

Kaya kang ditulis Lifehacker.com, senajan cukup mbebayani kanggo router nanging paling ora kita bisa ngundhakake nganti 70 mW. Kanthi mangkono, jang­kauan saka sinyal router kita bakal tambah nganti kaping pindhone. Saliyane iku, aplikasi iki uga nyedhiyani maneka macem opsi keamanan kanggo routermu.

9. Gunakna WiFi Repeater

Repeater mujudake sawijining alat kanggo nampa sinyal WiFi banjur man­carake maneh sinyal ksb kanthi luwih kuwat. Alat iki cocok banget tumrap kang sinyal WiFi-ne ala.



10. Sering Reboot utawa Restart

Ora beda adoh saka smartphone lan PC. Router bakal sering ngalami masalah nalika dipigunakake jroning waktu kang suwe. Kanggo ngendhani bab iki, kita bisa nindakake reboot utawa restart router kan­thi rutin amrih kondisi router ksb dadi seger lan siap digunakake maneh. (d/ist)

Berita Terkait

Samak Minggu Ini

img

img

Sumber Semangat

Wong kang mbisu iku “luwih becik” katimbang wong kang guneman ala.

Klik

DOLANAN JAMAN KAWURI

Isih kelingan dolanan kaya ngene iki? Mesthine ing antarane para maos kang wis ‘yuswa’ isih padha kelingan ya. Balapan ban bekas mujudake dolanan jaman kawuri. Seru, murah lan nyenengake. Yuk nostalgia kanthi dolanan nyenengake ing jaman biyen iki yuk… (d/ist)***

Pethilan

E-dagang rame, ritel konvensional rontok

Blanja mung kari klik

Pelajar perlu diajak lunga menyang museum

Aja menyang mal wae…

Sumpah Pemuda dipengeti

Indonesia siji, dudu sing liyane