Ndhelikake File Foto lan Video ing Android
Diposting oleh : Administrator
Kategori: Anyar Katon - Dibaca: 56 kali

Piye carane ndhelikake file sing arupa video utawa foto ing Hp android kita? Mesthi wae bab iki bisa kita tindakake marang operating sistem mawa basis android merga open source.

 

Kadhang nduweni hp android bisa narik kawigatene wong liya, klebu smart­phone kita mengkone bisa disilih wong akeh utawa kanca kita. Bab iki mesthi wae bakal ndadekake kita kurang nya­man merga anane file kang arupa foto uta­wa video pribadi kang ora pengin di­ngerteni wong liya.

Mula kanggo ngawekani bab ksb am­rih ora kedadeyan bab kang ora kita pe­ngini, kita kudu enggal ndhelikake file rahasia saka gallery photo lan video mau saengga ora bisa dideleng wong liya.

Kanggo ndhelikake video utawa foto iki kita bisa manfaatake aplikasi android tambahan kang bisa kita download saka Google Play Store. Gratis kok.

 

Carane Ndhelikake File Rahasia ing Hp Android

Ing ngisor iki ulasan kumpulan aplikasi gratis ing android kang bisa kita coba ndhelikake foto lan video rahasia :

 

1. HidePhoto 

HidePhoto mujudake aplikasi android kang digawe dening DoMobile kang ndu-weni fungsi kanggo ndhelikake foto lan video.

Aplikasi iki dhewe wis akeh dipigu­nak­ake ing saindenging donya kanthi fitur-fitur kang simple lan gampang kita gunakake.

Kita mung perlu mindhahake foto lan video pribadi menyang folder khusus kang mengkone yen arep mbukak kudu nganggo password uta­wa PIN saengga wong liya ora bisa ngakses ma­neh.

Download wae Apli­kasi HidePhoto Gra­tis iki ing Google Play Store (https://play.google.com/store/apps/details?id= com.domobile.hidephoto )



 

2. Gallery Vault-Hide Video & Photo


Selaras karo jenenge, aplikasi iki uga mbantu kita ndhelikake foto lan video sa­ka gallery hp android amrih ora bisa di­ak­ses dening kanca apa­dene wong kang jail.

Aplikasi iki bisa dadi alternative sali­yane HidePhoto.

Kita mung perlu mindhahake file vi­deo lan foto menyang folder khusus kang mengkone uga dikunci nganggo password saengga wong liya ora ngakses.

Download Aplikasi Gallery Vault-Hide Video & Photo iki ing Google Play Store (https://play.google.com/store/apps/details?id=com.thinkyeah.galleryvault )

Wasana sugeng nyoba


(d)***

Berita Terkait

Samak Minggu Ini

img

img

Sumber Semangat

Yen kita ora kuwawa menehi, aja njupuk.

Klik

THEKLEK DHINGKLIK

Dadi kreatif pancen dibutuhake sakehing wong kanggo ngrampungake masalahe. Malah kanthi kreatif, kita bisa oleh bab kang anyar. Kaya ing nalikane udan-udanan ngene iki. Yen udane ora leren-leren nganti nuwuhake banjir, sajake migunakake theklek dhingklik kaya iki supaya ora teles mujudake salah sijine kreatifitas. (d/ist)***

Pethilan

Geng motor gawe susahe warga

Pulisi kudu luwih gesit

Ayo dijait maneh abang putih, ujare Ketua MPR

Ana sing rowak-rawek

Dhisikna akal sehat ing taun politik 2018

Kan wis suwe ilang…