Layout, Aplikasi Foto Kolase kanggo Instagram
Diposting oleh : Administrator
Kategori: Aiti - Dibaca: 48 kali

Apa kowe seneng nggabungake sawenening foto dadi sawijining frame kang banjur ng-upload foto mau menyang instagram utawa jejaring sosial liyane?

 

Biasane aplikasi apa kang kerep mbok gunakake kanggo nindakake editing foto sederhana kaya ngono kuwi? Aplikasi foto picsart?

Kanggone sing kurang cocok karo aplikasi edit foto kang wis akeh sumebar iki ora perlu khawatir maneh, merga durung suwe iki instagram wis ngetokake sawijining aplikasi editing foto kang entheng khusus kanggo nggawe foto kolase. Dadi kita bisa nggawe foto kolase lan kanthi gampang ng-upload ing instagram. Jenenge aplikasi iki yakuwi layout.

Kanthi aplikasi android gratisan iki kita bisa kanthi gampang nggawe foto kolase. Foto kolase kanthi maneka pilihan layout iki bisa dadi alternatif aplikasi editing foto. Kita bisa kanthi gampang milih foto-foto kang ana ing gallery banjur nata selaras klawan kekarepan kita. Kita uga bisa milih layout kang paling cocok kanggo foto-foto  mau.

Saliyane iku, navigasi saka aplikasi iki uga gampang banget lan ora ana iklan kang bener-bener ngganggu saengga dadi nilai plus dhewe yen dibandhing aplikasi liyane kang biasane dikebaki dening iklan. Lan uga sing ora keri, ana sakehing fitur apik ing njero apliaksi iki.

Ing antarane fitur-fitur kang ana ing aplikasi iki antara liya yakuwi:

* Nggawe kolase saka maneka macem foto nganti gunggunge 9 foto

* Bisa langung njupuk foto nganggo kamera nalika nyusun kolasi

* Bisa nyimpen layout kang wis kita gawe dhewe ing gallery.

* Ana maneka macem jenis layout kang wis sumadya

* Kontrol kang gampang

* Ora perlu ndhaftar. Cukup download lan langsung gunakake

* Kita bisa nggunakake maneka macem filter kang ana ing instagram.

Dadi…. ora usah kesuwen wis langsung download wae aplikasine ing kene https://play.google.com/store/apps/details?id=com.instagram.layout

(d)***

 

Berita Terkait

Samak Minggu Ini

img

img

Sumber Semangat

Yen pengin weruh mangsa kepungkur delengen kahanan saiki. Yen pengin ngerti mangsa tembemu mula delengen apa kang mbok tindakake dinane iki

Klik

BUSANA MANTEN PALING DAWA

Busana manten kerep dadi salah sijine faktor penting jroning urusan pesta utawa perayaan. Akeh pasangan kang pengin nduweni kesan jero saka busana kang dipigunakake mau. Mung emane, ora sithik kesan pengin mewah kuwi malah ndadekake repote wong akeh. Salah sijine kaya kang ana ing foto iki, dawaa…. banget sadawane dalan kang ana, nganti-nganti kudu dijaga pulisi! (d/ist)

Pethilan

Masa tenang pilkada diwiwiti

Giliran operasi senyap

Impor kosmetik tambah akeh

Akibat saya akehe wong selfi

Pilkada bareng , sengit ing DKI akur ing daerah

Lan panas rata nalika etunga-etungan suwara