Dira Sugandi kedanan Nyanyi Lagu Daerah
Diposting oleh : Administrator
Kategori: Anyar Katon - Dibaca: 34 kali

Penyanyi Dira Sugandi ngaku kedanan nyanyekake lagu daerah sajege dheweke nyanyi bareng Sri Hanuraga Trio. Dira oleh pengalaman anyar iki kanggo ngisi album “INDONESIA - Volume 1”.

“Mesthi wae it’s all new experience, pengalaman anyar. Pranyata kanthi aku nyanyekake nyanyian kang beda, aku kaya kedanan ngono. Satemene that is good. Sing kita ajab supaya kanca nom-noman tuwuh rasa tresnane marang musik daerah lan nasional kaya sing tak alami” jelase Dira ing Shoemaker Studio, Cikini, Jakarta Pusat.

Kedanan lagu daerah ksb ndadekake penyanyi jazz kondhang iki pengin terus nyanyekake. Sebab, sasuwene iki dheweke arang nyanyekake lagu-lagu mawa tema tradisional lan nasional.

“Sasuwene iki aku bisa dietung ngang­go driji kaping pira (nyanyekake lagu daerah)” panutupe.

 

Ngunggahake Kelas Lagu Daerah

Kreativitas musisi Tanah Air ora tansah nyiptakake lagu-lagu anyar, ana uga kang isih nyanyekake maneh lagu lawas. Kaya kang ditindakake Sri Hanuraga Trio kang nggandheng Dira Sugandi jroning nyanyekake lagu ke­bang­saan lan daerah versi saiki.

Grup kang digawangi Sri Hanuraga utawa biasa disapa Aga (piano) iki ngusung genre utama jazz kanggo album perdana mau kang mawa judhul “INDONESIA - Volume 1”. Proyek kang digarap bebarengan Kevin (bass), Zulham (bass) lan Dira (vokal) iki diwiwiti nalika padha ngisi sawijining acara festival musik jazz ing Frankurt, Jerman.

“Aku lan Dira dikon pak Goenawan Mohamad (delegasi sastra Indonesia) tampil ing Summer Festival lan nyanye­kake lagu Indonesia lan tradisional sacara modern. Sambutane apik. Aku karo Dira rumangsa eman banget kok dijarna ngono wae, geneya ora direkam” jelase Aga ing Shoemaker Studio, Cikini, Jakarta Pusat.

Nyanyekake maneh sewelas lagu ksb cukup ndadekake Aga minangka dha­lange ngaku sempat ngalami kerepotan. Sebab dheweke kudu ngowahi irama asli dadi gaya saiki.

“Kawitan (kangelane) merga sound beda banget karo lagu barat jaman saiki. Nemoni vibe anyar. Kapindho, piye melodi kang simple iku ketemu karo harmoni barat” tambahe.

Proyek album “INDONESIA - Volume 1” iki ora bakal mandheg nganti tekan semono wae. Grup band iki duwe rencana bakal ngeksplor lagu daerah lan kebangsaan liyane.

“Ya kita pancen duwe rencana ora mung mandheg nganti kono wae. Kenapa judhule ‘INDONESIA - Volume 1’. (Merga) kita bakal nggawe album maneh volume 2 (lan) 3, merga isih akeh lagu tradisional apik. Iki akeh (Indonesia) Barat mungkin kapan-kapan saka Tengah lan wetan” tutupe Aga.

Album “INDONESIA - Volume 1” iki dumadi saka 11 lagu kanthi nggandheng musisi internasional kaya Kinga Prus, Pail Rutschka, Andris Buikis, Magnus Lindgren lan Rega Dauna saka Indonesia. Ing antarane lagu-lagu mau yakuwi Kicir-Kicir, Bunga Jeumpa, Tanah Airku, Manuk Dadali, Rayuan Pulau Kelapa, Indonesia Pusaka, Bengawan Solo, Bubuy Bulan, Kampung nan Jauh di Mato, Cublak-Cublak Suweng lan Sik Sik Sibatumanikam. (d)***

Berita Terkait

Samak Minggu Ini

img

img

Sumber Semangat

Jroning urip iki, mbokmenawa kita ora cukup becik kanggone kabeh wong, nanging kita bakal tansah dadi kang paling becik kanggone sahabat kita

Klik

WIT NATAL MLAKU

Ornamen abang lan cahya lampu akeh ngrenggani papan-papan publik sasuwene perayaan Natal. Ing kana kene ora lali akeh hiasan wit Natal. Nanging sing siji iki ana tampilan wit Natal kang ora biyasa lan bisa digawa menyang ngendi-endi. Yup, wit Natal unik iki digawe saka rambut kang dimodel saemper wit Natal saengga bisa mlaku menyang ngendi-endi. (d/ist)***

Pethilan

Guru dijak nyusun soal ujian akhir SMP/SMA/SMK

Jawabane tetep padha, bondha bandhi ...

Demo ngedhunake daya saing buruh lokal

Nanging ana bab liya sing mundhak, dalanan macet!

Kompetensi buruh Indonesia perlu ditingkatake

Ben ora mung jago demo!