Pacquiao Pengin Tarung Ulang Lawan Mayweather
Diposting oleh : Administrator
Kategori: Anyar Katon - Dibaca: 48 kali

Petinju Filipina Manny Pacquiao isih nunggu kalodhangan tarung ulang lawan Floyd Mayweather Jr. Iki kabeh ora liya dhimen mbales kekalahane saka dhuel ing taun 2015 kepungkur.

Pacquiao (59-6-2, 38 KO) kang saikine umur 38 taun, mentas wae ngalahake juara welterweight WBO Jessie Vargas liwat dhuel 12 rondhe ing Las Vegas, Nevada, sawenehing wektu kepungkur.

“Mesthi wae, yen dheweke (Mayweather) pengin main tinju maneh,” ujare Pacquiao nalika ditakoni wartawan boxingnews24, rebo kepungkur (23 November 2016).

Sauntara iku, Mayweather dhewe engga dina iki durung nuduhake isyarat bakal munggah ring maneh sawise nyatakake pensiun taun kepungkur.

Ing wektu kang padha, performa Pacquiao dinane iki satemene uga wiwit nyumelangake. Senajan kasil menang lawan Vargas, nanging Pacquio saikine dianggep ora agresif maneh kaya ndhisik.

Akeh kang ngandhakake faktor umur dadi alasan. Nanging Pacquiao mbantah panganggep kuwi. Senajan wis ‘dipangan umur’, Pacquiao ngaku isih jroning kondisi siap tempur.

“Aku rumangsa isih enom. Aku rumangsa isih umur 25 taun. Utawa mungkin aku isih umur 28 taun,” ujare Pacquiao.

 

Mayweather Jr Ora Karep

Sauntara kuwi mantan juara tinju dunia, Floyd Mayweather Jr kang duwe rekor menang kaping 49 tanpa tau kalah ngaku ora minat munggah ring tinju maneh. Mayweather aweh isyarat ora tertarik nindakake dhuel karo Manny Pacquiao.

Ing tanggal 13 September 2015 kepungkur, petinju kanthi julukan The Money iku nyatakake pensiun. Banjur Pacquiao ngetokake spekulasi pengin nindakake duel ulang lawan Mayweather.

Emane kekarepan mau ora ana panggape, pepenginane petinju asal Filipina iku ora ndadekake Mayweather karep. Sebab, dheweke wis oleh dhuwit gedhe sarampunge ngalahake Pacman ing dhuel kanthi judhul “Fight of the Century” kepungkur.

“Akeh petinju kang pengin pensiun, nanging tetep tarung merga kudu nindakake (golek dhuwit). Aku ora,” ujare Mayweather kaya kang ditulis USA Today, Sabtu (19/11/2016).

“Aku mentas oleh 300 yuta dollar sawise tarung karo Pacquiao. Aku apik-apik wae. Kaya kang tak kandhakake, aku seneng karo posisiku iki. Sepisan maneh, dhuwit dudu sing ndadekake aku, nanging aku kang ndadekake dhuwit,”panutupe petinju umur 39 taun iku. (d)***

 

Berita Terkait

Samak Minggu Ini

img

img

Sumber Semangat

Brubah lan tangi luwih edi banget tinimbang meneng lan mung ngimpi tanpa nindakake apa-apa.

Klik

Pejabat Lomba Mangan Krupuk

Pengetan dina Ulang Taun Kamardikan RI ing ngendi-endi ditindakake kanthi maneka acara lan lomba. Semono uga ing Pemkot Semarang. Mung sing rada beda, sing dadi pesertane ing kene yakuwi pejabat-pejabat Pemkot lan DPRD, Kapolres, Danlanal lan Dandim. Katon ing gambar sawenehing pejabat kanthi kebak semangat lan cepet-cepetan melu lomba mangan krupuk kang digelar ing Balai Kota Semarang. (d/ist)***

Pethilan

Niyate Panitia Angket DPR marang KPK konangan

Sapinter-pintere mbungkus tai, wusana mambu uga

Gegandhengan klawan Merah Putih kang kuwalik, Malaysia resmi njaluk ngapura

Kok dibolan-baleni terus ya?

Ana kampanye anti korupsi liwat gambar kartun

Saking lucune koruptor kita